ხობი. ხობის მუნიციპალიტეტში, სპორტული ინფრასტრუქტურის მშენებლობა-რეაბილიტაციის პროგრამის ფარგლებში, ადგილობრივი ბიუჯეტის დაფინანსებით რამდენიმე მნიშვნელოვანი პროექტი განხორციელდა.
როგორც მუნიციპალიტეტის მერია იტყობინება, დასრულდა სამუშაოები, რომელთა საერთო სახელშეკრულებო ღირებულებამ 261 000 ლარი შეადგინა.
✅ ახალი და რეაბილიტირებული სპორტული სივრცეები:
ქალაქ ხობში აშენდა ორი ახალი ხელოვნურსაფარიანი მინი სტადიონი კონსტანტინე გამსახურდიასა და ვახტანგ გორგასლის ქუჩებზე.
ნოჯიხევის ადმინისტრაციულ ერთეულში განხორციელდა არსებული მინი სპორტული მოედნის სრული რეაბილიტაცია.
ახლად აშენებული და რეაბილიტირებული მოედნები ხობის მუნიციპალიტეტის მერმა, დავით ბუკიამ და მერიის ინფრასტრუქტურის სამსახურის უფროსმა, გია ჩაბალუხამ დაათვალიერეს.
🚧 სამუშაოები პარალელურად გრძელდება
მუნიციპალიტეტი სპორტული ინფრასტრუქტურის განახლებას აქტიურად აგრძელებს. ამჟამად, პროგრამის ფარგლებში, პარალელურ რეჟიმში მიმდინარეობს:
სამი მინი სტადიონის რეაბილიტაცია.
ერთი მინი სტადიონის მშენებლობა.
მუნიციპალიტეტის მიზანია, ხელი შეუწყოს ჯანსაღი ცხოვრების წესს და უზრუნველყოს სპორტით დაინტერესებული მოსახლეობისთვის თანამედროვე და კომფორტული ინფრასტრუქტურის ხელმისაწვდომობა.
