ხობელ მსოფლიო ჩემპიონს საზეიმო დახვედრა მოუწყვეს (video)

ხობის კულტურის სახლის დიდ დარბაზში, მსოფლიო ჩემპიონს, საქართველოს ბერძნულ-რომაული სტილით მოჭიდავეთა ნაკრების წევრს, ნუგზარ წურწუმიას გულშემატკივრებმა საზეიმო დახვედრა მოუწყვეს. საზეიმო ღონისძიებას სამეგრელო-ზემო სვანეთის სახელმწიფო რწმუნებულის პირველი მოადგილე დავით ფარცვანია, ხობის მუნიციპალიტეტის მერი გოჩა ქაჯაია და საკრებულოს თავმჯდომარე ედიშერ ჯობავა ესწრებოდნენ. ღონისძიებაზე, ყაზახეთში გამართულ მსოფლიო ჩემპიონატზე ნუგზარ წურწუმიას ასპარეზობის ამსახველი ფოტო-ვიდეო კოლაჟის ჩვენება გაიმართა. ხობელ მსოფლიო ჩემპიონს და მის მწვრთნელებს (მამუკა ყორშია, სურაჯი გვასალია, ბაკურ ბუკია) ადგილობრივი ბიუჯეტიდან პირად ანგარიშზე ფულადი ჯილდო ჩაერიცხებათ. ნუგზარ წურწუმიამ ყაზახეთში გამართულ მსოფლიო ჩემპიონატის ფინალში მასპინძელი ხორლან ზაკანშა 9:0 დაამარცხა და მსოფლიო ჩემპიონის ტიტულს დაეუფლა. ხობელი ფალავანი ასევე, 23-წლამდელთა შორის მსოფლიოსა და ევროპის ჩემპიონია.