ადგილობრივი თვითმმართველობის მიერ დაფუძნებული იურიდიული პირი შპს „ხობი დასუფთავება და განათება“ ქალაქ ხობის სკვერებსა და პარკებში სეზონურად მოყვავილე ერთწლოვანი და მრავალწლოვანი მცენარეების დარგვას ახორციელებს. ქალაქში, 8 ათასი ლარის ღირებულების, 8500 ერთეული ნერგი (ფიჭვი, ნაძვი, ტიტა, ვიოლა) დაირგვება. გარდა ამისა, „ხობი დასუფთავება და განათების“ თანამშრომლების მიერ, ქალაქის სკვერებში გაფხვიერდა ნიადაგი, ჩატარდა ერთწლოვანი ყვავილების მოვლითი სამუშაოები, მომზადდა ნიადაგი ერთწლოვანი და მრავალწლოვანი მცენარეების დასარგავად.
