12 აგვისტოს, ხობის ღვთისმშობლის მიძინების სახელობის მონასტერში, წმინდა ცოტნე აღმსარებლის ხსენების დღესთან დაკავშირებით სადღესასწაულო წირვა-ლოცვა აღევლინა.
საღვთო ლიტურგია ფოთისა და ხობის მიტროპოლიტმა, მეუფე გრიგოლმა, ეპარქიის სამღვდელოებასთან ერთად აღასრულა. წირვაზე მეუფემ 11 აგვისტოს გარდაცვლილი დეკანოზი იოსებ ხურცილავა მოიხსენია.
ქადაგებისას მეუფე გრიგოლმა ვრცლად ისაუბრა წმინდა ცოტნე დადიანის ღვაწლსა და მის განსაკუთრებულ როლზე საქართველოს ისტორიაში. მსახურების დასასრულს, მღვდელმთავარმა ტაძარში შეკრებილი მრევლი და სტუმრები დალოცა.
