ქართველთათვის „მეორე სახარებად“ წოდებული „ვეფხისტყაოსნის“ სწავლებას უდიდესი აღმზრდელობითი მნიშვნელობა აქვს მოსწავლეთა სულიერი ფორმირებისა და ეროვნული ფასეულობების ჩამოყალიბებაში. სწორედ ამ იდეის გარშემო, პედაგოგ ნინელი ხუხიას ინიციატივითა და მეათე კლასის მოსწავლეებთან შეთანხმებით, დაიგეგმა და განხორციელდა ეს გამორჩეული სასკოლო აქტივობა. კვირეულის ფარგლებში, მოზარდების უშუალო მონაწილეობითა და შემოქმედებითი ჩართულობით, ორი უნიკალური სცენარი დაიწერა. პირველი მათგანი ეძღვნებოდა შოთა რუსთაველის მიერ „ვეფხისტყაოსნის“ დამთავრებასა და თამარ მეფის მიერ მის კურთხევას, ხოლო მეორე სცენარში გაცოცხლდა კახაბერ ერისთავის ასულისა და პავლია გოცირიძის სიყვარულის ისტორია, სადაც ხაზგასმული იყო თამარისა და შოთას განსაკუთრებული როლი მათ ქორწინებაში.
სასკოლო ცხოვრებაში სიმულაციების გამოყენება სწავლების ერთ-ერთი ყველაზე პროდუქტიული და შემოქმედებითი მეთოდია, რომელიც მოსწავლეებს განსაკუთრებული მოტივაციითა და ენერგიით აღავსებს. ამგვარი აქტივობების დროს ახალგაზრდები არა მხოლოდ გონებრივად, არამედ ფიზიკურადაც სრულად არიან რეალიზებულები, რადგან ეძლევათ შესაძლებლობა, სცენიდან თავისუფლად გამოხატონ საკუთარი დამოკიდებულებები, ემოციები და ხედვა. პირველი მაისის საჯარო სკოლის მეათეკლასელებმა არაჩვეულებრივად, დიდი პასუხისმგებლობითა და ნიჭიერებით შეასრულეს დაკისრებული როლები (სკოლის დირექტორი ნინო ცხადაია) , შევიდნენ სახეებში და მაყურებელს დაუვიწყარი, ემოციური სანახაობა აჩუქეს.
ეს წარმატებული პროექტი კიდევ ერთხელ ადასტურებს, თუ რამდენად მნიშვნელოვანია სასწავლო პროცესში ინოვაციური მიდგომების შეტანა. განსაკუთრებული მადლობა ეკუთვნით ნიჭიერ მეათეკლასელებს და კლასის მასწავლებელს, ნინელი ხუხიას, რომელიც დაუღალავად ზრუნავს სოფელ პირველი მაისის საჯარო სკოლის მოსწავლეებში ლიტერატურისადმი სიყვარულის გაღვივებასა და მათ მრავალმხრივ განვითარებაზე.
წყარო:https://www.facebook.com/share/p/18cvXPuSmf/
#ხობი #ხობიინფო #პირველიმაისი #სასკოლოცხოვრება #ვეფხისტყაოსანი #განათლება
