გალერეა „Hall Underground Collective“-ში ჯგუფური გამოფენა სახელწოდებით „INPRINT“ დასრულდა. ექსპოზიციაზე, რომელიც 5 აპრილს გაიხსნა, შვიდი გრაფიკოსი მხატვრის ნამუშევრები იყო წარმოდგენილი.
მონაწილეებს შორის იყო ნიჭიერი ხობელი შემოქმედი ლალი გადელია, რომელმაც სხვა ხელოვანებთან ერთად დამთვალიერებელს საკუთარი ხედვა და ნამუშევრები გაუზიარა.
გამოფენა „INPRINT“ ბეჭდვას, როგორც აზროვნების ფორმასა და შემოქმედებით პროცესს, ისე განიხილავდა. წარმოდგენილი ნამუშევრები გამოირჩეოდა კონცეპტუალური მრავალფეროვნებით — პირადი ნარატივებიდან ვიზუალურ ექსპერიმენტებამდე.
ღონისძიებამ წარმატებით გააერთიანა განსხვავებული ტექნიკითა და იდეებით მომუშავე ხელოვანები და კიდევ ერთხელ დაადასტურა გრაფიკული მედიუმის აქტუალობა თანამედროვე ხელოვნებაში.
