რუბრიკა: გაიცანით ჩვენი გუნდი

ხობში ჩოხიანი ჭიდაობის საფუძვლები 1990 წლიდან იწყება. სწორედ მაშინ დაიწყო სამწვრთნელო მოღვაწეობა რომან მორგოშიამ. 1996 წელს მას უკვე საქართველოს დამსახურებული მწვრთნელის წოდება მიენიჭა.

მისი მუშაობის შედეგები ციფრებში ასეთია:

· მრავალგზის საქართველოსა და საერთაშორისო ტურნირების ჩემპიონები;

· ხობისთვის მოპოვებული პირველი ევროპისა და მსოფლიოს მედლები (ვერცხლი, ბრინჯაო);

· სტუდენტური უნივერსიადის ევროპის ჩემპიონი.

დღეს რომან მორგოშია შვილთან, მიხეილთან ერთად ქვემო ქვალონის საჭიდაო დარბაზში აგრძელებს მუშაობას. 2025 წლის ევროპის ჩემპიონატზე მათმა აღზრდილებმა კიდევ ერთხელ მოიპოვეს ვერცხლისა და ბრინჯაოს მედლები.