გმირობა, რომელსაც დრო ვერ შლის — ჭალადიდში რაჰიპ მამედოვის ხსოვნას პატივი მიაგეს

სოფელ ჭალადიდში ადგილობრივმა მოსახლეობამ და სკოლის მოსწავლეებმა კიდევ ერთხელ გაიხსენეს ადამიანი, რომელმაც 39 წლის წინ საკუთარი სიცოცხლის ფასად მრავალი სიცოცხლე იხსნა.

📍 ისტორია, რომელიც არ უნდა დავივიწყოთ: 1987 წლის თებერვალში, სოფელ ჭალადიდში მომხდარი დამანგრეველი წყალდიდობის დროს, აზერბაიჯანელმა ახალგაზრდამ, რაჰიპ მამედოვმა, წარმოუდგენელი თავდადება გამოიჩინა. სამხედრო სავალდებულო სამსახურში მყოფი 20 წლის ბიჭი სტიქიას არ შეუშინდა და სამხედრო ტექნიკით წყალდიდობის ზონაში ჩარჩენილი მოსახლეობის ევაკუაცია დაიწყო.

მან არაერთი ადგილობრივის გადარჩენა შეძლო, თუმცა მორიგი სამაშველო რეისის დროს, ტრაგიკულად დაიღუპა.

 დღეს: ტრადიციულად, ადგილობრივებმა და სკოლის მოსწავლეებმა გმირის მემორიალი ყვავილებით შეამკეს. ჭალადიდელებისთვის რაჰიპ მამედოვი არა მხოლოდ ისტორიული პერსონაჟი, არამედ ქართველი და აზერბაიჯანელი ხალხის მეგობრობისა და თავგანწირვის სიმბოლოა.