ხობის მუნიციპალიტეტის სპორტის ცენტრის ფოიეში სპეციალური საგამოფენო ვიტრინებია განთავსებული , სადაც წარმოდგენილია ადგილობრივი სპორტსმენების მიერ სხვადასხვა დროს მოპოვებული საპრიზო ჯილდოები.
საგამოფენო სივრცეში დაცულია ხობელი ჩემპიონების წარმატების დამადასტურებელი ატრიბუტიკა:
ბერძნულ-რომაული ჭიდაობა: ექსპოზიციის ცენტრალურ ნაწილს იკავებს ოლიმპიური პრიზიორის, მანუჩარ ცხადაიასა და მსოფლიო ჩემპიონის, ნუგზარ წურწუმიას მიერ მოპოვებული მედლები, თასები.
მკლავჭიდი: ვიტრინებში წარმოდგენილია ხობელი მკლავჭიდელების ჯილდოები, რომლებიც მოპოვებულია როგორც საქართველოს მასშტაბით, ისე საერთაშორისო ტურნირებზე.
მნიშვნელობა
სპორტული კუთხე მუზეუმის ფუნქციას ასრულებს და მიზნად ისახავს ხობელი სპორტსმენების მიღწევების პოპულარიზაციას. საგამოფენო სივრცე ხელმისაწვდომია სპორტის ცენტრის ყველა ვიზიტორისთვის და ემსახურება მომავალი თაობების მოტივირებას.
ავტორი : ირაკლი შონია - ხობარი
