👑 ზუგდიდში "Best Models Agency"-ის სილამაზის კონკურსი 2025 ჩატარდა – გამარჯვებულები სამეგრელოს რეგიონში გამოვლინდნენ

 

4 ნოემბერს ქალაქ ზუგდიდში სამოდელო სააგენტო ,,Best Models Agency" მიერ, სილამაზის კონკურსი 2025 ჩატარდა.  

   გამარჯვებულები სამეგრელოს რეგიონში, ოთხ ასაკობრივ კატეგორიაში გამოვლინდნენ და ,,miss & mister" ტიტული მოიპოვეს. 

   შოუში, სხვა მონაწილეებთან ერთად ხობელი კონკურსანტებიც მონაწილეობდნენ: ბარბარე თირქია, ანამარია და ანასტასია ტყებუჩავები, ანკა ლატარია, ლიკა ვარდია, ნუცი ხარამიშვილი, ნათია ქებურია, ნინო კვარაცხელია, ია საჯაია, ელენე ალექსანდრია, ბარბარე კუკავა და მარიამ ბუსქანძე.

   ჩამოთვლილთაგან უფროს ასაკობრივში ნათია ქებურიამ მოიპოვა პირველი ადგილი და ჟიურის წევრების მოწონება, ხოლო ნუცი ხარამიშვილმა მეორე ადგილი დაიკავა. 

II ასაკობრივ კატეგორიაში პირველი ადგილი მოიპოვა ანკა ლატარიამ და მეორე ადგილი ანამარია ტყებუჩავამ,  III კატეგორიაში პირველი ადგილის მფლობელი გახდა ია საჯაია, მეორე ადგილზე ელენე ალექსანდრია. ,,პატარა პრინცესა'' გახდა ნინო კვარაცხელია და ,,პატარა მის ხობი" ხუთ წლამდე კატეგორიაში კი ბარბარე თირქია.

   კონკურსის ორგანიზატორი კახი ხაბეიშვილი პროფესიონალურად და ობიექტურად უძღვებოდა კონკურსს. შოუში მონაწილე პატარა მოდელებს, აფასებდა ჟიური: დადუკა ქობალია, თამარა მაყაშვილი, მარიამ გოგინავა, ნინი ბადურაშვილი, ირინე ფილიპია, თათია გაბისონია, ნათია ზარანდია, დარინა დიასამიძე, კოკი კიწმარიშვილი და მეგი შონია. ლიცენზიის ავტორი მ. მასხულია.

    პროექტი, რომელიც დიდი პოპულარობით სარგებლობს, მრავალი წელია საქართველოს სხვადასხვა რეგიონს ყოველწლიურად სტუმრობს. 

    კონკურსის ორგანიზატორის კახი ხაბეიშვილის ინფორმაციით, კონკურსი როგორც მთელ საქართველოში, სამეგრელოს რეგიონში მომავალ წელსაც ჩატარდება და დამსწრე საზოგადოებას კონკურსთან ერთად, დაუვიწყარ შოუს შესთავაზებს.

https://www.facebook.com/share/p/1DNp1XrTff/