ხობში საავტომობილო გზები იწმინდება

 

ხობის მუნიციპალიტეტის ადმინისტრაციულ ერთეულებში საავტომობილო გზების დეპარტამენტის და ადგილობრივი თვითმმართველობის სპეციალური ტექნიკის გამოყენებით თოვლისგან იწმინდება საავტომობილო გზები.

რთული მეტეოროლოგიური პირობების გამო, მუნიციპალიტეტის საბავშვო ბაღებში სასწავლო პროცესი 27 თებერვლის ჩათვლით დროებით შეჩერებულია.

თოვლმა დააზიანა ელექტროგადამცემი ხაზები, რის გამოც ელექტროენერგია არ მიეწოდება ადმინისტრაციული ერთეულების ნაწილს.

პრობლემურ უბნებზე მობილიზებულია მუნიციპალიტეტის შესაბამისი სამსახურები და „ენერგო-პრო ჯორჯიას“ ჯგუფები.

ხობის მუნიციპალიტეტში შექმნილი უამინდობის გამო მერიაში შექმნილია ცხელი ხაზი.

მოქალაქეებს შესაძლებლობა აქვთ, 24 საათის განმავლობაში დარეკონ ცხელი ხაზის ნომრებზე:

599 856085

595 517473

599 856098