ხობის მუნიციპალიტეტის შუა ქვალონის ადმინისტრაციულ ერთეულში ხელოვნურსაფარიანი მინისტადიონის სრული რეაბილიტაცია დასრულდა.
რეაბილიტირებული სპორტული მოედანი ხობის მუნიციპალიტეტის მერმა, დავით ბუკიამ და მერის პირველმა მოადგილემ, რევაზ ზაქარაიამ დაათვალიერეს.
სპორტული ინფრასტრუქტურის რეაბილიტაცია ადგილობრივი ბიუჯეტის დაფინანსებით განხორციელდა, ხოლო პროექტის სახელშეკრულებო ღირებულებამ 60592 ლარი შეადგინა.
მიმდინარე წელს ადგილობრივი ბიუჯეტის დაფინანსებით საჯიჯაოს და ახალსოფლის ადმინისტრაციულ ერთეულებში ხელოვნურსაფარიანი მინისტადიონები აშენდება, ხოლო ქალაქ ხობში, ნოდარ შენგელიას სახელობის სტადიონის სრული რეაბილიტაცია განხორციელდება.
