ფეხბურთელი დემურ ვეკუა

 

მძიმე ავადმყოფობის შემდეგ , 81 წლის ასაკში კიდევ ერთმა ვეტერანმა ტორპედოელმა დაგვტოვა

დემურ ვეკუა 1943 წლის 14 თებერვალს ხობში დაიბადა. 1961-1965 წლებში თამაშობდა თბილისის "დინამოში“ (სსრკ 1964 წლის ჩემპიონი დუბლიორებს შორის), მას შემდეგ, 1972 წლის ჩათვლით - "ტორპედოში". მცირე ხანს გახლდათ „ტორპედოს“ უფროსი მწვრთნელის თანაშემწე.

ქუთაისელთა რიგებში საკავშირო უმაღლეს და პირველ ლიგაში 246 მატჩში 50 ბურთი გაიტანა. განსაკუთრებით კარგად თამაშობდა თავით, საჰაერო ორთაბრძოლებში მეტოქის გაცილებით მაღალ მცველებს იოლად ჯაბნიდა. .

დ.ვეკუას რამდენიმე მატჩი აქვს ჩატარებული სსრკ ოლიმპიური ნაკრების შემადგენლობაში.

საფეხბურთო კარიერის შემდეგ მუშაობდა საპასუხისმგებლო თანამდებობებზე საწარმოო გაერთიანება „საქნახშირში“.