წიმი უჯგუ!ბორჯის კოროცხუა მუშოთ ოკო
მუშით აძინუ დო ბთხილანქ,
გურშა ხუტოლაფას მუთუნ ვაკო,
ქალეხუტოლუანქ მიდგას!
საშველ არძოს იშენ მიაჩამუ დო,
მუშენ მაწუხენდას ჭუა?!
უნჩაშებს უჯინექ მუმაცალო,
უკულაშ მიმორჩქუ სკუათ!
ხვალე ჩქიმ ღორონთიშ ჩინება ბწანს,
ჩქიმ დღალებს ვოძინუქ ოშო,
დიო ხოლო ოშნერს მივოძახანქ,
ხოლო მაჟრა თისხე მოკო!
ირფელს საშველ ხეთე მიაჩამუ,
მოთას ქალებრდუანქ ძგაშა,
ონწეშე ქოძირუნს ბაბუშ გურს დო,
ღიროკილს ვემკიქუნანს ტანშა!
ჭუა მიდაუნუ ბორიას დო,
ძვალებს გომტიბუანს ბჟა -
ჩქიმ ტიბუ ყებურწკუმა ელახუნათ -
ჩქიმი ოჯახი დო თქვა!
მარღანს გიბწიმინდანქ თოლებშე დო,
ნოდია ვაპოფექ დღას,
კუჩხეფ ვამაჭკომე ეშმაკებს დო
ჩქიმ ღორონთ ალამრე მა!
ირო გოძიცებულ სახე მოკო,
გურიშ ხუტოლაფაცალი,
წიმი მილინუდან ირიათო,
მუთუნქ ვეგენჯარან შხვაში!
საშველ მიაჩამუ ჩქიმ გურსი დო,
მიდურს ინგირცალო შხვა,
ართ მურე?! ოშ წანას მიკვოკიჩანქი
ჩქიმ წანებს ვედიბრკენქ დღას!
მზეკო ჟვანია
————————-
ბორჯი - დრო
მუშით - თავისით
ქალებხუტოლუანქ - ჩავიხუტებ
ბჟა - აქ: მზე
მარღანი - ლიბრგადაკრული
ნოდია - მხდალი, ლაჩარი
მიკვოკიჩანქი - მივკეცავ, მივითვლი
ნაკლების ნახვა
