რომან მორგოშიას სახელობის ტურნირი ქვემო ქვალონში

ხობის მუნიციპალიტეტის ქვემო ქვალონის ადმინისტრაციული ერთეულის სპორტულ დარბაზში, საქართველოს დამსახურებული მწვრთნელის, რომან მორგოშიას სახელობის ტურნირი გაიმართა ძიუდოში.

შეჯიბრებაში სამეგრელო-ზემო სვანეთის რეგიონის 130 სპორტსმენი მონაწილეობდა.

სპორტულ პირველობას ხობის მუნიციპალიტეტის მერის მოადგილე დავით ბერაია, სამეგრელო-ზემო სვანეთის ძიუდოს ფედერაციის პრეზიდენტი ბადრი გახოკიძე და ადგილობრივი თვითმმართველობის წარმომადგენლები ესწრებოდნენ.

რეგიონული პირველობის გამარჯვებული და პრიზიორი სპორტსმენები თასებით, მედლებით და სიგელებით დაჯილდოვდნენ.

ტურნირი სამეგრელო-ზემო სვანეთის ძიუდოს ფედერაციის, „ხობის სპორტის ცენტრის“ ორგანიზებით და ხობის მუნიციპალიტეტის მერიის მხარდაჭერით გაიმართა.

წყარო: https://www.facebook.com/media/set/?vanity=KhobiMunicipality&set=a.719931780165411