კობა შუბითიძის სახელობის ტურნირი დასრულდა

21 ივლისს, საგვიჩიოს ადმინისტრაციულ ერთეულში, 2004 წელს საქართველოს ტერიტორიული მთლიანობისათვის დაღუპული ჯარისკაცის, კობა შუბითიძის სახელობის თასის გათამაშების ფინალური შეხვედრა გაიმართა.

ტურნირში საგვიჩიოს და ჭალადიდის ადმინისტრაციული ერთეულების გუნდებთან ერთად, ხობის „ჭალე“, ფოთის „ჭაბონამა“, ქუთაისის მესამე ქვეითი ბრიგადის, სენაკის მეორე ქვეითი ბრიგადის, გვარდიის, ხონის მეორე საარტილერიო ბრიგადის, ქობულეთის და დასავლეთ სარდლობის ლოჯისტიკის სამსახურის გუნდები მონაწილეობდნენ.

მემორიალური პირველობის ფინალში ქუთაისის მესამე ქვეითი ბრიგადის გუნდმა ფოთის „ჭაბონამა“ დაამარცხა და კობა შუბითიძის სახელობის თასს დაეუფლა.

სპორტულ ღონისძიებას ხობის მუნიციპალიტეტის მერი დავით ბუკია, საკრებულოს თავმჯდომარე ლევან ქავთარაძე, მერის მოადგილე დავით ბერაია და საქართველოს შეიარაღებული ძალების წარმომადგენლები ესწრებოდნენ.

ტურნირი ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის საფეხბურთო კლუბ „კოლხეთის“ ორგანიზებით ჩატარდა.