დღეს, ქალაქ ხობში, ქართული ეროვნული სამოსის დღესთან დაკავშირებით კულტურულ-გასართობი ღონისძიებები გაიმართა.
ცენტრალურ პარკში ადგილობრივი ქორეოგრაფიული ანსამბლების და ინდივიდუალური შემსრულებლების მონაწილეობით კონცერტი გაიმართა. საღამო, კულტურის სასახლის დიდ დარბაზში ჯგუფ „შარას“ კონცერტით გაგრძელდა.
ღონისძიებას ხობის მუნიციპალიტეტის მერი დავით ბუკია, საკრებულოს თავმჯდომარე ლევან ქავთარაძე და მერის მოადგილე დავით ბერაია ესწრებოდნენ.
საქართველოში ეროვნული სამოსის დღე 2016 წლიდან აღინიშნება და მისი მიზანი ქართული კულტურის პოპულარიზაციაა.
