1981 წელს ექსპლუატაციაში შევიდა ხობის რაიონული კულტურის სასახლის სამ სართულიანი შენობა. სასახლეს აქვს 2 სცენა, დიდი დარბაზი 600 კაცზე და პატარა 130 კაცზე, 6 სამსახიობო, სარეპეტიციო ოთახები და დარბაზები. კულტურის სასახლე ატარებს ბადრი კობახიძის სახელს, მხატვარ-მონუმენტალისტი ზურაბ წერეთელი, არქიტექტორი-იაკობ კახიანი, მშენებელი გენო ტორჩინავა.
როგორ შენდებოდა ხობის კულტურის სასახლე
ფოტო: სასახლე წერეთლის პანოს და მონუმენტის გარეშე.
ფოტო: სასახლე წერეთლის პანოს და მონუმენტის გარეშე.
ხობის კულტურის სასახლის მშენებლობას 1968 წელს ჩაეყარა საფუძველი, მაგრამ საქმე ამის იქით არ წასულა. რაიონის ხელმძღვანელ პირად ნუგზარ ნადარაიას დანიშვნის შემდეგ აქტიურად დაიწყო ობიექტის მშენებლობა. 1980 წელს ნ. ნადარაიას უთქვამს: „რაიონულ 32-ე კონფერენციას ახალი კულტურის სასახლის შენობაში ჩავატარებთო“.
მშენებლობა დაევალა ხობის მოძრავ-მექანიზებულ კოლონა N19-ს (უფროსი: გენო ტორჩინავა). საქმიანობას ხელმძღვანელობდა მთავარი ინჟინერი გ. ფაჩულია, მშენებლობას კონტროლს უწევდა რაიაღმასკომის თავმჯდომარე ლერი ნანეიშვილი.
კულტურის სასახლის ფასადი მონუმენტური რელიეფით (პანო) გააფორმა მხატვარ-მონუმენტალისტმა ზურაბ წერეთელმა.
ხობის კულტურის სასახლე 1981 წლის 16 მაისს საზეიმო ვითარებაში გაიხსნა. ლენტი საქართველოს კულტურის მინისტრმა ოთარ თაქთაქიშვილმა და ნუგზარ ნადარაიამ გაჭრეს
