მას საოცარი მეხსიერება აქვს. შემთხვევით როდი უწოდებენ სოფლის წარსულის ცოცხალ მატიანეს. მუხასავით მაგარი, წელში მოუხრელი კეთილი მოხუცი გულთბილად ხვდება მის ოჯახში მოსულ სტუმრებს. მისი ხშირი სტუმრები არიან ქუთაისის პედაგოგიური ინსტიტუტის სტუდენტები, ბევრ საინტერესო ფოლკლორულ მასალას აწვდის ალექსანდრე ლომაია სტუდენტებს. მათი სამახსოვრო წიგნები და სურათებიც სათუთად ინახება ალექსანდრე ლომაიას ოჯახში.
