ხობის მუნიციპალიტეტის მერმა გოჩა ქაჯაიამ და მერის მოადგილემ მახარე ჩოკორაიამ, გურიფულის ადმინისტრაციულ ერთეულში მდებარე მარწყვის სასათბურე მეურნეობა „შამათია“, კოოპერატივის თავმჯდომარესთან, ირაკლი თოდუასთან ერთად დაათვალიერეს. კოოპერატივმა „შამათიამ“ ENPARD-ის მიერ დაფინანსებული პროექტის „თანამშრომლობა საქართველოში სოფლის აღორძინებისთვის“ ფარგლებში მიღებული გრანტით და საკუთარი ფინანსური სახსრებით სასათბურე მეურნეობა მოაწყო. კოოპერატივის თავმჯდომარის ინფორმაციით მარწყვის მოვლა-კრეფაში 10-მდე ადგილობრივია დასაქმებული; მოსავალი ყოველ წელს იზრდება და წელს 12 ტონამდე მოსავალს ელიან.
