31 იანვარს, ხობის
კულტურის სახლის მცირე დარბაზში, „ბიბლიის სახლის“ (გაერთიანებული ბიბლიური საზოგადოებების
საქართველოს წარმომადგენლობა) დირექტორმა ავთანდილ გურულმა და ფოთისა და ხობის ეპარქიის
სამღვდელოების წარმომადგენლებმა, ხობის მუნიციპალიტეტში მცხოვრებ დევნილ ბავშვებს და
მრავალშვილიან ოჯახებს საჩუქრად საეკლესიო წიგნები გადასცეს.
„ბიბლიის სახლის“ დირექტორმა ბავშვებს სიტყვით მიმართა და განათლების,
ქართულ ენაზე ბიბლიის თარგმნის და წიგნიერების მნიშვნელობაზე ისაუბრა.
ღონისძიებას მერიის კულტურის, განათლების, სპორტის, ძეგლთა დაცვის, ტურიზმის
და ახალგაზრდულ საქმეთა სამსახურის უფროსი ელისო კვიკვინია და „ხობის სკოლამდელი სააღმზრდელო გაერთიანების დირექტორი“ ეკა ხასია ესწრებოდნენ.
