ოჯახში ძალადობის თემაზე შეხვედრა გაიმართა

დღეს, ხობის მუნიციპალიტეტის საკრებულოს სხდომათა დარბაზში, ფოთის რაიონული პროკურატურის ორგანიზებით, მოსახლეობასთან და თვითმმართველობის წარმომადგენლებთან ოჯახში ძალადობისა და ტრეფიკინგის თემაზე საინფორმაციო შეხვედრა გაიმართა.
პროკურორმა ალექსანდრე კოდუამ შეხვედრის მონაწილეებს ოჯახში ჩადენილ დანაშაულზე, ძალადობის ფორმებზე და დაზარალებულის უფლებებზე მიაწოდა ინფორმაცია. მან ასევე, ისაუბრა სამართალდამცველებთან თანამშრომლობის მნიშვნელობაზე, საზოგადოების როლზე ამ ტიპის დანაშაულთან ბრძოლისა და გამოვლენის საქმეში.
შეხვედრა ინტერაქტიულ  ფორმატში  ჩატარდა და პროკურორმა დასმულ შეკითხვებს გასცა პასუხი.