ხობის მუნიციპალიტეტის მერიაში, ნარჩენების მართვისა და დასუფთავების სერვისების ელექტრონული სისტემის (PMS) დანარგვასთან დაკავშირებით შეხვედრა გაიმართა.
🔹სამუშაო შეხვედრას მერიის ეკონომიკური განვითარებისა და ქონების მართვის სამსახურის უფროსი ანტონ ვარდია, პოლიტიკისა და მართვის კონსალტინგ ჯგუფის (PMCG) და შპს „ხობი დასუფთავება და განათებას“ წარმომადგენლები ესწრებოდნენ.
🔹გაეროს განვითარების პროგრამამ (UNDP) საქართველოს რეგიონული განვითარების და ინფრასტრუქტურის სამინისტროსთან მჭიდრო თანამშრომლობით, დემოკრატიული მმართველობის პროგრამის ფარგლებში დაიწყო პროექტი: „დასუფთავების და მყარი მუნიციპალური ნარჩენების მართვის სერვისებისთვის სამუშაოს შესრულების მართვის სისტემის შემუშავება 23 მუნიციპალიტეტში“.
🔹პროექტის მიზანია მყარი მუნიციპალური ნარჩენების მართვისა და დასუთავების სერვისებისათვის დაინერგოს სამუშაოს შესრულების მართვის ელექტრონული სისტემა (PMS) სამიზნე მუნიციპალიტეტებში, რომელიც დაეხმარება ამ მუნიციპალიტეტებს უფრო ეფექტურად და ეფექტიანად დაგეგმონ, განახორციელონ და გაუწიონ მუდმივი მონიტორინგი თავიანთ საქმიანობას მოცემულ სფეროებში.