შეხვედრა ჭალადიდის მოსახლეობასთან

27 ივნისს, ჭალადიდის საზოგადოებრივ ცენტრში, ნატოსა და ევროკავშირის შესახებ საინფორმაციო ცენტრის სამეგრელო-ზემო სვანეთის რეგიონალური ბიუროს წარმომადგენელმა, ანა ცანავამ ჭალადიდის მოსახლეობასთან საინფორმაციო შეხვედრა გამართა. შეხვედრაზე საუბარი შეეხო საქართველოს ურთიერთობებს ევროკავშირთან, არსებულ მიღწევებსა და გამოწვევებს, ანტიდასავლური პროპაგანდის საფრთხეებს, ევროკავშირთან მიმართებაში საზოგადოებაში გავრცელებულ მითებს, ნატო-საქართველოს ურთიერთობას და ასოცირების ხელშეკრულებას. მონაწილეებმა გამოთქვეს თავიანთი

მოსაზრებები ევროინტეგრაციის საკითხებზე. შეხვედრა ,,დასავლური ინტეგრაციის შესახებ ინფორმირებულობისა და ჩართულობის გაზრდა საქართველოს რეგიონებში“ პროექტის ფარგლებში გაიმართა. პროექტი საინფორმაციო ცენტრის ორგანიზებით, აშშ-ს სახელმწიფო დეპარტამენტისა და საქართველოში აშშ-ს საელჩოს მხარდაჭერით მიმდინარეობს.