11 ივლისს, ხობის მუნიციპალიტეტის გამგებელი გოჩა ქაჯაია და გამგებლის პირველი მოადგილე ვარაზ გაბედავა, ადმინისტრაციულ ერთეულში გამგებლის წარმომადგენლებს შეხვდნენ. შეხვედრა ინფორმაციული ხასიათის იყო მიზნად ისახავდა განხორციელებული და მიმდინარე პროექტების შესახებ ინფორმაციის მიღებას. შეხვედრაზე ასევე, ისაუბრეს საქმიანობის ეფექტურად განხორციელების საშუალებებზე, „სოფლის მხარდაჭერის პროგრამის“ ფარგლებში დაგეგმილ სამუშაოებზე და დასახლებებში არსებულ, სწრაფად მოსაგვარებელი პრობლემების გადაჭრის გზებზე.
საქართველოს სოფლის მეურნეობის სამინისტროს ხობის საინფორმაციო-საკონსულტაციო სამსახურის უფროსმა ანგულ მიქავამ შეხვედრის დასასრულს გამგებლის წარმომადგენლებს ინფორმაცია მავნებლების (პეპლებისა და მატლების) წინააღმდეგ გასატარებელი ღონისძიებების შესახებ მიაწოდა.
