დღეს, 26 მარტს, ხობის მუნიციპალიტეტის პატარა ფოთისა
და ჭალადიდის ადმინისტრაციულ ერთეულებში არსებული სადრენაჟო სისტემების „რიონი-ხობი I“-ისა და „რიონი-ხობი II“-ის სრულ სარეკონსტრუქციო სამუშაოებს გაეცნენ შპს „საქართველოს გაერთიანებული
სამელიორაციო სისტემების კომპანიის“ გენერალური დირექტორი ლევან დვალი, ხობის მუნიციპალიტეტის
გამგებელი გოჩა ქაჯაია და საქართველოს სოფლის მეურნეობის სამინისტროს ხობის საინფორმაციო-საკონსულტაციო
სამსახურის უფროსი ანგულ მიქავა.
სადრენაჟო სისტემა 1400 ჰა სასოფლო-სამეურნეო სავარგულებს
მოემსახურება. სამუშაოების სრული ღირებულება 1,5 მილიონ ლარს შეადგენს და მას შპს „ტერმინალი“
ასრულებს. სამუშაო პროცესში 25 ადგილობრივი მკვიდრია დასაქმებული.
