საჯიჯაოს №1 საჯარო სკოლა
სოფელ საჯიჯაოს საჯარო
სკოლას ასწლოვანი ისტორია
გააჩნია. სოფელ ზენში(ამჟამად საჯიჯაო)
სასულიერო სასწავლებელი გახსნილა
1885 წელს. 1924 წლიდან
სოფელში ყოფილა შვიდწლიანი
სასწავლებელი;
1938 წლიდან საჯიჯაოში
არსებობს საშუალო სკოლა, რომელიც
დღემდე ფუნქციონირებს.
სოფელ საჯიჯაოში სწავლა-განათლების დარგში
დიდი წვლილი შეუტანიათ: გიორგი ახალაიას,
ნოე ჯანელიძეს, იროდი ოკუჯავას, ინდიკო შამათავას, ციალა პერტაიას, იროდი და ჟორჟი ტყებუ-
ჩავებს, მარგო ჩიქოვანს, ალიოშა ზარანდიას, კლარა ბესელიას, ნუცა გვასალიას,
ნოე ჭანტურიას,
ელშუქ ტყებუჩავას.
ამჟამად საჯიჯაოს N 1 საჯარო სკოლას
ხელმძღვანელობს ქალბატონი მაია
შუშანია.
ჯაპიშაქარი
ჯაპიშაქარში დაწყებითი სკოლა
(1-4 კლასი) დაარსდა 1917 წელს მამანტი
ნადარაიას ხელმძღვანელობით. სკოლაში ყველა საგანს ბატონი
მამანტი ასწავლიდა, რომელიც უაღრესად განათლებული ყოფილა. სკოლა 1941 წელს
არასრულ სკოლად გადაკეთებულა.1970 წელს კი საშუალოდ.
1997 წელს ხობის განათლების
წარდგინებით შემცირებაში მოყვა და ისევ არასრულ საშუალო
სკოლად გადაკეთდა.ამ სკოლაში წლების
განმავლობაში მოღვაწეობდნენ: აპალონ ახალაია, ვალერიან შამათავა, შალერი ლაშხია, დავით
ახალაია, თამარ კვარაცხელია, ლოლა ჯახია, მაშო
რამიშვილი, გიორგი ნადარაია.
ქვედაზენი
ქვედაზენის უბანში 1960 წელს
გაიხსნა დაწყებითი სკოლა. დაწყებითი სკოლის
გამგედ-მასწავლებლად დაინიშნა გიორგი
ტყებუჩავა. რიგით მასწავლებლად - ლენა გვასალია, ლენა ჯიშკარიანი, ხუნტული ჭანტურია.
1965-66 სასწავლო წელს ქვედაზენის
დაწყებითი სკოლა რვაწლიანად
გადაკეთდა.
1976-77 წელს სკოლის დირექტორად
ციალა პერტაია დაინიშნა.
1991 წლიდან კი სკოლის
დირექტორი ტარიელ დუდუნიაა.
გაღმა საჯიჯაო
გაღმა საჯიჯაოში სკოლა არსებობს
1918 წლიდან. 1970-1999 წლებში სკოლა იყო საშუალო, დღეს
კი საბაზო სკოლაა. სკოლაში ასწავლის
15 მასწავლებელი. სწავლობს 43 მოსწავლე.
სკოლას გააჩნია მდიდარი
ტრადიციები. ჩვენი სკოლის აღზრდილი
იყო ცნობილი მეცნიერი, ფიზიკის მეცნიერებათა
დოქტორი ილია ქვარცხავა.
სკოლის მრავალი კურსდამთავრებულია პედაგოგი, ინჟინერი, აგრონომი, ექიმი და იურისტი.
სკოლას აქვს რესპუბლიკაში
ცნობილი გეოგრაფიული ველი. გეოგრაფიის მასწავლებელს
იპოლიტე ნანეიშვილს ამ ველის შექმნისა
და სხვა მიღწევებისათვის წლის საუკეთესო მასწავლებლის
წოდება აქვს მინიჭებული.
მოსწავლეებმა, რომლებმსაც ჩვენთან ჰქონდათ
მიღებული საბაზო განათლება, წარმატებით გაართვეს
თავი ეროვნულ გამოცდებს.
1902 წლიდან არსებობს 2 წლიანი, 1918 წლიდან 4 წლიანი, 1932 წლიდან შვიდწლედი, 1946 წლიდან რვაწლედი და 1970 წლიდან კი საშუალო სკოლა.
საქართველოს განათლების, მეცნიერების, კულტურისა და სპორტის მინისტრის 2019 წლის 19 ნოემბრის N223/ნ ბრძანებით სსიპ ხობის მუნიციპალიტეტის საჯიჯაოს N2 საჯარო სკოლას დიდი მეცნიერის, ილია ქვარცხავას სახელი მიენიჭა.
