25-29 სექტემბერს ქალაქ ბათუმში საბილიარდო კლუბ ,,პირამიდაში" საქართველოს ბილიარდის ეროვნული ფედერაციის მიერ ჩატარდა საქართველოს ჩემპიონატი ბილიარდში, სადაც მონაწილეობდნენ ხობის მუნიციპალიტეტის განათლების ცენტრის სასპორტო სკოლის ბილიარდის ჯგუფის სპორტსმენები: ლუკა ლოლუა, ფრიდონ გამისონია, სანდრო ჩიტაია, ედიკა კვიკვინია (მწვრთნელ-მასწავლებელი ლ. ბასილაია).
ტურნირში ოლიმპიური სისტემის 32 უძლიერესი მობილიარდე თამაშობდა, ყველაზე ახალგაზრდა მონაწილეთა შორის ხობელი 11 წლის სანდრო ჩიტაია იყო. ფინალში საქართველოს მრავალგზის ჩემპიონმა პაატა ხმალაძემ გაიმარჯვა.
