გვარი - აბაკელია
პროფესია - საქონელმცოდნე
სტატუსი - ფრაქცია „ქართული ოცნების“ თავმჯდომარე
ბავშვობიდან მოგონებად დარჩენილი წუთები... - ბავშვობა ცხოვრების ულამაზესი წლებია, ამ წუთს თვალწინ გამიელვა ჩემი ბავშვობის კადრებმა, მათ შორის თბილად მახსენდება ბებომ პირველად რომ წამიყვანა სკოლაში.
რომელი სურვილი ვერ აისრულეთ? - ჯერ-ჯერობით ვერ მოვესწარი გაერთიანებულ საქართველოში ცხოვრებას.
რა არის თქვენი ხასიათის ძლიერი მხარე? - ხშირად არ ვიცვლი აზრს, ჩემი პოზიციის ერთგული ვრჩები. ეს მიმაჩნია ჩემი ხასიათის ძლიერ მხარედ.
თქვენი ყველაზე უცნაური თვისება? - ფეთქებადი ხასიათის ვარ, მაგრამ სიბრაზეს გულში არ ვიდებ.
უხერხული სიტუაციიდან როგორ იხსნით თავს? - ასეთ სიტუაციებში ყველაზე კარგი გამოსავალი იუმორია.
ვინ არიან თქვენი შვილები? - გურანდა - პროფესიით პედაგოგია, გოჩა კი კარგი მეოჯახე მამაა. ისინი ჩემი სიცოცხლის გაგრძელებაა.
როგორი გინდათ თქვენი შვილები იყვნენ? - უკეთესია უფრო გაწონასწორებულნი და ნაკლებად ემოციურები თუ იქნებიან.
როგორ ვერ წარმოგიგენიათ ცხოვრება? - უმეგობროდ ცხოვრება ვერ წარმომიდგენია. მეგობრობა ისაა როცა არც ჭირში და არც ლხინში თავს ეულად არ გრძნობ.
რა მოგწონთ ადამიანებში? - სინდისი, პატიოსნება, გულწრფელობა... ვერ ვიტან მოღალატე ადამიანებს.
რა უნდა გახსოვდეთ ამ ქვეყნად ყველაზე მეტად? - უნდა გახსოვდეს, რომ ხარ უფლის შვილი და უნდა მიენდო მას.
თქვენთვის ყველაზე მნიშვნელოვანი ადამიანი? - ამ ქვეყნად ჩემთვის ყველაზე მნიშვნელოვანი ადამიანი ჩემი 85 წლის დედაა.
როგორ მოხვდით პოლიტიკაში? -პოლიტიკაში 1989 წლის 9 აპრილს დატრიალებული ტრაგედიის შემდეგ მოვედი...
რა არ მოგწონთ პოლიტიკაში? - არ მომწონს ბინძური პოლიტიკური თამაშები, როცა პოლიტიკას ქვეყნის წინააღმდეგ იყენებენ..
ვინ არიან თქვენი ოპონენტები? - ჩემი ოპონენტები არიან ისინი, ვინც მოქმედებენ ქვეყნისა და ხალხის წინააღმდეგ.
გამორჩეული ფრაზა თუ გაქვთ, რომელსაც ხშირად იმეორებთ? - არა.
ამ წუთს ნატვრა რომ შეგისრულდეთ, რას ინატრებდით? - ჩემმა შვილიშვილებმა ეკონომიურად ძლიერ და თავისუფალ საქართველოში მინდა იცხოვრონ.
თქვენი საყვარელი სასმისი რომელია? - ფიალიდან დალეულ ღვინოს სულ სხვა გემო, სადღეგრძელოს კი სულ სხვა ეშხი აქვს.
სადღეგრძელო? - ამ დროში კაცობა და სინდისი რომ შეინარჩუნა იმ ხალხს გაუმარჯოს.
რისი დაკარგვა არ გინდათ? - მინდა ჩემი ცხოვრებით შეძენილი პატიოსანი კაცის სახელი სიცოცხლის ბოლომდე მიმყვეს.
რას არ გააკეთებდით არასოდეს - არ წავიდოდი საყოველთაოდ აღიარებული ნორმების წინააღმდეგ.
რა არ გაინტერესებთ? - არ მაინტერესებს სხვის საქმეეში ცხვირის ჩაყოფა.
რისი გჯერათ? - მჯერა საქართველოს ნათელი მომავლის და დრწმუნებული ვარ ივერიის გაბრწყინების.
რითი ალამაზებთ თქვენს ცხოვრებას? - ვარ ძალიან აზარტული და განტვირთვას სხვა და სხვა თამაშებით ვახერხებ...
თქვენი ნება რომ იყოს რას შეცვლიდით? - ჩემი ნება რომ იყოს, ჩემს ქვეყანას დიალოგის გზით დავაბრუნებდი თავის საზღვრებში.
რითი დაასრულებთ საუბარს? – „ერიდე ყველაფერს, რაც შენს სინდისს არ მოსწონს”
https://www.facebook.com/notes
