ხობის მუნიციპალიტეტის საკრებულოს სხდომათა დარბაზში, ადგილობრივი არასამთავრობო ორგანიზაცია „მომავლის ხედვის“ ხელმძღვანელებმა შემაჯამებელი პრესკონფერენცია გამართეს. მოწვეულთა შორის იყვნენ ხობის მუნიციპალიტეტის საკრებულოს თავმჯდომარე მამუკა ქარდავა და გამგებლის მოადგილე ბადრი ჯობავა. შეხვედრაზე ისაუბრეს „მომავლის ხედვის“ გამოკითხვების შედეგად მიღებულ პრობლემებსა და მათი მოგვარების გზებსა და საშუალებებზე. გამოკითხვა შეეხებოდა მოსახლეობის შიდა და გარე სოციალურ და პოლიტიკურ საკითხებს.
