დღეს, 10 ოქტომბერს ხობის მუნიციპალიტეტში მდებარე ღვთისმშობლის მიძინების ტაძარს, საქართველოს ეროვნული გვარდიის მეათე კადრირებული ბრიგადა სტუმრობდა. ჯარისკაცებმა ტაძრის მოძღვარ დეკანოზ ილიასთან და სამხედრო კაპელან დეკანოზ გიორგისთან ერთად მოილოცეს ეკლესია-მონასტერი და სურვილი გამოთქვეს ტაძრის მიმდებარე ტერიტორიის დასუფთავება, გაწმენდისა. აქციაში 80 სამხედრო მოსამსახურე ღებულობდა მონაწილეობას. მათ ტაძრის მიმდებარე ტერიტორიაზე სახნავ-სათესი მიწის ნაკვეთი ბალახებისა და ეკალ-ბარდებისაგან გაწმინდეს და დაასუფთავეს. მათი თქმით აქცია არ ატარებს ერთჯერად ხასიათს და მსგავსი აქციების განხორციელება სხვა ეკლესია-მონასტრების ტერიტორიაზეც არის დაგეგმილი.
ხობის მუნიციპალიტეტის გამგეობა მადლობას უხდის აქციის ორგანიზატორებსა და საქართველოს ეროვნული გვარდიის მეათე კადრირებულ ბრიგადას დაუღალავი შრომისათვის.
