24 თებერვალს საქველმოქმედო ჰუმანიტარულმა ცენტრმა „აფხაზეთი“ (CHCA), ხობის მუნიციპალიტეტში ქსელური შეხვედრა სახელწოდებით „შესაძლებლობათა განვითარებისა და სოციალური ინტეგრაციისთვის სერვისების უზრუნველყოფა სამეგრელოს რეგიონში“ გამართა, რომელსაც სათემო ჯგუფის წევრებთან ერთად, გამგეობის სამსახურები და სოციალური მომსახურების სააგენტოს ხობის განყოფილების წარმომადგენლები ესწრებოდნენ.
შეხვედრაზე სათემო ჯგუფის წევრების მიერ წარმოდგენილიქნა თავიანთ თემებში არსებული პრობლემები და მათი გადაჭრის გზები. კერძოდ, იმ სოციალურად დაუცველი ოჯახების საკითხი, რომლებიც დახმარების გარეშე არიან დარჩენილი, ასევე, განხილულ იქნა წყალმომარაგებისა და გაზიფიკაციის საკითხები.
პროექტი გაეროს განვითარების (UNDP)–ის ფინანსური მხარდაჭერით ხორციელდება და მისი მიზანია თემში მცხოვრები ადამიანებისა და ადგილობრივი ხელისუფლების ორგანოებს შორის კომუნიკაციის გაუმჯობესება, აგრეთვე თემში არსებული პრობლემების გამოვლენა და ამ პრობლემების შესაძლო გადაჭრის გზების მოძიება.
