,,სოფლის მხარდაჭერის პროგრამით’’ წარმოდგენილ 94 პროექტში, საერთო ღირებულებით 722.601 ლარი, რომელიც სახელწიფო ბიუჯეტიდან გამოიყო, გათვალისწინებულია შიდა გზების შეკეთება- მოხრეშვა, ხიდ- ბოგირების მოწყობა, სანიაღვრე არხების გაწმენდა, საბავშვო ბაღების, სპორტული დარბაზებისა და ეზოების, მოსაცდელების , სტადიონების კეთილმოწყობა. ცალკეულ სოფლებში მოეწყობა ავტოსადგომები, წისქვილი და ჭაბურღილები , შემოკავდება მოსახლეობის საყანე ფართობები, ასევე მოხდება წყალსადენი სისტემის აღდგენა- რეაბილიტაცია. ისე როგორც წინა წლებში პროგრამის ფარგლებში დასაქმებული იქნება ადგილობრივი მოსახლეობა. მუნიციპალიტეტის გამგებელი იგორ ტყებუჩავა ეკონომიკის სამსახურის სპეციალისტებთან ერთად ადგილზე ეცნობა პროგრამით გათვალისწინებული სამუშაოების მიმდინარეობას.
