თამაზ ქაჯაია - ხობელთა ხსოვნა

    თამაზ ქაჯაია დაიბადა 1954 წლის 30 დეკემბერს ხობის რაიონის სოფელ საჯიჯაოში, წარმატებით დაამთავრა საჯიჯაოს საშუალო სკოლა და 1973 წელს ჩაირიცხა საქართველოს სუბტროპიკულ ინსტიტუტში, რომელიც ასევე წარმატებით დაამთავრა და მიენიჭა სწავლული აგრონომის კვალიფიკაცია.

1978 წელს რალა ჩემიასთან ერთად შექმნა ოჯახი.

1979 წლიდან მუშაობდა ძველი ხიბულის კოლმეურნეობაში აგრო-მელიორატორად, 1981 წელს გადაყვანილ იქნა „საქსახკომსოფლტექნიკის“ სატრაქტორო ბრიგადის მექანიზებული რაზმის უფროსად.
            1983-1986 წლებში მუშაობდა ქვალონის მეღორეობის გამოსაზრდელ საბჭოთა მეურნეობაში მთავარ აგრონომად, 1986 წელს დაინიშნა ხობის საკვების წარმოებისა, მოპოვებისა და გადამუშავების მეურნეობაში მთავარ აგრონომად, ხოლო 1991 წლიდან გადაყვანილ იქნა ამავე მეურნეობის დირექტორად, სადაც იმუშავა 1994 წლამდე.

            1994-1996 წლებში მუშაობდა ხორგის მებოცვერეობის სახელმწიფო მეურნეობის დირექტორის თანამდებობაზე.
            1996-1998 წლებში იყო შპს „სოია პროს“ რეგიონალური კორდინაციის განყოფიელბის უფროსი.

            2000 წლიდან მუშაობდა კერძო სექტორში, სასათბურე მეურნეობაში, შპს „პოსეიდონის“ მენეჯერად.

            გარდაიცვალა 2005 წლის 18 ივნისს.

ჰყავს ქალი და ვაჟი დიანა და დავით  ქაჯაიები. შვილიშვილები: გიორგი, მარიამ ქაჯაიები და ნიკოლოზი, ელენე წერეთლები.