დღეს, 1 ნოემბერს, ხობის საფეხბურთო ცენტრის სტადიონზე სტარტი აიღო ხობის „კოლხეთის“ ვეტერანი ფეხბურთელის, მელორ ზაქარაიას ხსოვნისადმი მიძღვნილმა ტურნირმა ფეხბურთში U-14-ის ჭაბუკთა შორის.
მონაწილეები და ორგანიზატორები
პირველობაში რეგიონის 8 გუნდი მონაწილეობს, მათ შორის:
„აკადემია იუვენტუსი“ (წალენჯიხა)
„იბერია“ (ქუთაისი)
მარტვილის საფეხბურთო სკოლა
„ოდიში“ (ზუგდიდი)
„ტორპედო“ (ქუთაისი)
„ბაია“ (ზუგდიდი)
„კოლხა“ (ზუგდიდი)
ხობის „კოლხეთის“ U-14 გუნდი.
ტურნირის ორგანიზატორები არიან საქართველოს ფეხბურთის ფედერაცია და სამეგრელო-ზემო სვანეთის რეგიონალური ფეხბურთის ფედერაცია, ხოლო მხარდამჭერია ხობის მუნიციპალიტეტის ადგილობრივი თვითმმართველობა.
ღონისძიება სიტყვით გახსნეს სამეგრელო-ზემო სვანეთის ფეხბურთის ფედერაციის პრეზიდენტმა, სერგო კვარაცხელიამ, და ხობის მუნიციპალიტეტის მერის პირველმა მოადგილემ, რევაზ ზაქარაიამ.
ტურნირს, მაყურებლებთან ერთად, ესწრებოდნენ მელორ ზაქარაიას ოჯახის წევრები.
🗓️ ფინალური მატჩები და გამარჯვებულების დაჯილდოების ცერემონია გაიმართება კვირას, 9 ნოემბერს.
