დეპუტატი შუა ქვალონის და ნოჯიხევის N2 საჯარო სკოლების სარეაბილიტაციო სამუშაოებს გაეცნო

ხობის მუნიციპალიტეტის შუა ქვალონის და ნოჯიხევის N2 საჯარო სკოლების სრული რეაბილიტაცია მიმდინარეობს.

სკოლებში მიმდინარე სამშენებლო-სარეაბილიტაციო სამუშაოებს საქართველოს პარლამენტის წევრი, ფოთის, ხობისა და სენაკის მაჟორიტარი დეპუტატი, გიორგი ხახუბია, ხობის მუნიციპალიტეტის მერი, დავით ბუკია, მერის პირველი მოადგილე, რევაზ ზაქარაია და მერის მოადგილე, დავით ბერაია გაეცნენ.

საგანმანათლებლო დაწესებულებების რეაბილიტაციის პროექტის ჯამური სახელშეკრულებო ღირებულება 6 მილიონ ლარამდეა.

საჯარო სკოლების რეაბილიტაციის პროექტს საქართველოს განათლებისა და მეცნიერების სამინისტროს საგანმანათლებლო და სამეცნიერო ინფრასტრუქტურის განვითარების სააგენტო ახორციელებს.

სამუშაოების დასრულების შემდეგ ნოჯიხევის და შუა ქვალონის სკოლები მოსწავლეებს, სრულად ადაპტირებულ, თანამედროვე სტანდარტების შესაბამისად აღჭურვილ, საგანმანათლებლო და სპორტული ინფრასტრუქტურით უზრუნველყოფილ, კომფორტულ და უსაფრთხო გარემოში მიიღებს.