საქართველოში პირველი კონსტიტუციის დღე აღინიშნება 🇬🇪
101 წლის წინ, 1921 წლის 21 თებერვალს, საქართველოს დამფუძნებელმა კრებამ ერთხმად მიიღო საქართველოს დემოკრატიული რესპუბლიკის კონსტიტუცია, რითაც განამტკიცა ჩვენი ქვეყნის უმთავრესი ღირებულებები და პრინციპები - ერისა და პიროვნების თავისუფლება, სამართლებრივი სახელმწიფო, დემოკრატია და მოქალაქეთა თანასწორუფლებიანობა.
საქართველოს პირველი დემოკრატიული რესპუბლიკის დამფუძნებელი კრების წევრი, საბიუჯეტო-საფინანსო კომისიის თავმჯდომარე, ევროპული განათლების მქონე, არაერთი ნაშრომის ავტორი და ჟურნალ-გაზეთების რედაქტორი, ხობის მკვიდრი დიომიდე თოფურიძე გახლდათ.
ვულოცავ მთელ საქართველოს, თითოეულ მოქალაქესა და ჩვენი ქვეყნის ქომაგს ამ უმნიშვნელოვანეს თარიღს! 🇬🇪
ხობის მუნიციპალიტეტის მერი დავით ბუკია
