ხობის მუნიციპალიტეტის ჭალადიდის ადმინისტრაციული ერთეულის, სოფელ საჭოჭუოში სასაფლაომდე მისასვლელი გზის რეაბილიტაციის პირველი ეტაპი მიმდინარეობს. მიმდინარე სამუშაოებს ხობის მუნიციპალიტეტის მერი გოჩა ქაჯაია გაეცნო. პროექტის ფარგლებში დაიგება ასფალტბეტონის საფარი. სამუშაოებს შპს ,,შარა-გზამშენ პირველ“ ახორციელებს. ინფრასტრუქტურული პროექტი, რომლის სახელშეკრულებო ღირებულება 558 785 ლარია, რეგიონში განსახორციელებელი პროექტების ფონდისა და ადგილობრივი ბიუჯეტის დაფინანსებით ხორციელდება.
