უხვმა ნალექმა მდინარე რიონზე წყლის დონის მომატება გამოიწვია, თუმცა ამ დროისთვის დატბორვის საფრთხე არ არსებობს.
წყლის გამტარიანობის გაზრდის მიზნით მდინარე რიონზე გახსნილია მეხუთე რაბიც (შლუზი). ადგილზე მობილიზებულია სამეგრელო-ზემო სვანეთის საგენგებო სიტუაციების მართვის სამმართველოსა და პოლიციის თანამშრომლები. რაბის გახსნაში სამმართველოს თანამშრომლებთან ერთად ხობელი და ფოთელი მოხალისეებიც მონაწილეობდნენ.
