ხობის მუნიციპალიტეტის სკოლამდელ სააღმზრდელო დაწესებულებებში შემოდგომის ზეიმი აქტიურად მიმდინარეობს. 14 ნოემბერს ღონისძიებები ქ. ხობის N1, პირველი მაისის და ნოჯიხევის საბავშვო ბაღებში გაიმართა. პატარებმა რთველი ჩაატარეს, საწნახელში ღვინო დაწურეს და ჩურჩხელებიც ამოავლეს. ლამაზ კოსტუმებში გამოწყობილები მხიარული ცეკვა-სიმღერებით წარსდგნენ დამსწრე საზოგადოების წინაშე. შემოდგომის ზეიმს ხობის მუნიციპალიტეტის მერიის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსი როზეტა შულაია, საკრებულოს სოციალურ საკითხთა კომისიის თავმჯდომარე დოდო გაბუნია და ა(ა)იპ „ხობის მუნიციპალიტეტის სკოლამდელი საარმზრდელო გაერთიანების“ დირექტორი ელისო კვიკვინია ესწრებოდნენ, რომლებმაც აღმზრდელებს მადლობა გადაუხადეს და პატარებს წარმატებები უსურვეს.
