ადგილობრივი ბიუჯეტის საჯარო განხილვა ხობში

  
 24 ნოემბერს ხობის მუნიციპალიტეტის გამგეობის სააქტო დარბაზში ხობის მუნიციპალიტეტის საკრებულოს ინიციატივით  2015 წლისთვის ადგილობრივი ბიუჯეტის საჯარო განხილვა გაიმართა. საზოგადოებას  ბიუჯეტის პროექტი ხობის მუნიციპალიტეტის საკრებულოს თავმჯდომარემ ედიშერ ჯობავამ წარუდგინა, რომელმაც განმარტა, რომ 2015 წელს ხობის მუნიციპალიტეტის ბიუჯეტი  6.220.600 ლარით განისაზღვრა. გამომსვლელმა ისაუბრა ბიუჯეტში გათვალისწინებულ პრიორიტეტებზე, სოციალურ-ეკონომიკურ, კულტურულ და საგანმანათლებლო პროექტებზე, რომლებიც გათვალისწინებულია 2015 წლისთვის.

     ხობის მუნიციპალიტეტის გამგებმა ოჩა ქაჯაიამ ბიუჯეტით გათვალისწინებული პროექტების გარდა ცენტრალური ბიუჯეტიდან ხობის მუნიციპალიტეტისთვის გამოყოფილ თანხებით მომავალ წელს დასაფინანსებელ ინფრასტრუქტურულ და სოფლის მხარდაჭერის პროგრამის ფარგლებში მოსახლეობის ინტერესების გათვალისწინებით განსახორციელებელ პროექტებზე  ისაუბრა. განხილვაში  გამგეობის საფინანსო-საბიუჯეტო სამსახურის, კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის  და შრომის, საზოგადოებრივი ჯანმრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა საქმეების სამსახურის ხელმძღვანელებმა ისაუბრეს ბიუჯეტით გათვალისწინებულ მათ სფეროს მიკუთვნებულ პროექტებზე.
         საჯარო განხილვაში აქტიურად მონაწილეობდნენ თვითმმართველი ერთეულის იურიდიული პირების წარმომადგენლები და ხობის მოსახლეობა, დასახელდა სხვადასხვა პრობლემური საკითხი, რომლის გათვალისწინებასაც ითხოვენ ადგილობრივ ბიუჯეტშიადგილობრივი ხელისუფლების წარმომადგენლები  დარბაზში მყოფ საზოგადოებას დაპირდნენ, რომ მომავალი წლის ბიუჯეტში საზოგადოების ინტერესები მაქსიმალურად იქნება გათვალისწინებული.