19 მაისს, ხობის
„კოლხეთის“ სათადარიგო მოედანზე
დასავლეთ საქართველოს სარაგბო
ფესტივალი გაიმართა, რომელშიც
2005-2006 წლებში
დაბადებული ნორჩი მორაგბეებით
დაკომპლექტებული ოცდახუთი გუნდი
მონაწილეობდა. ფესტივალი, რომელსაც
ხობის მუნიციპალიტეტი მეცხრედ
მასპინძლობს, მიზნად ისახავს
რაგბის პოპულარიზაციას, თამაშის
წესების სწავლებას და ტექნიკურ-ტაქტიკური
ელემენტების დახვეწას. ფესტივალზე
გამარჯვებული გუნდი არ ვლინდება.
ღონისძიებას ხობის მუნიციპალიტეტის მერი გოჩა ქაჯაია, მერის პირველი
მოადგილე ვარაზ გაბედავა, მერის მოადგილე მახარე ჩოკორაია, საქართველოს ლელოს ფედერაციის
ვიცე-პრეზიდენტი დავით კილასონია და საქართველოს რაგბის კავშირის წარმომადგენლები ესწრებოდნენ.
მერმა გოჩა ქაჯაიამ ლელოს
ფედერაციის და რაგბის კავშირის წარმომადგენლებთან შეხვედრაზე, ურთიერთთანამშრომლობის
საკითხებზე და მუნიციპალიტეტში ლელოსა და რაგბის
განვითარების მნიშვნელობაზე ისაუბრა.
სპორტული
ფესტივალი საქართველოს რაგბის
კავშირის და ა(ა)იპ „ხობის
მუნიციპალიტეტის კულტურულ-საგანმანათლებლო, საზოგადოებრივი ცენტრის“
ორგანიზებით ხორციელდება.