საჯიჯაოს N1 საჯარო სკოლის გუნდმა მეორე ადგილი დაიკავა


სამეგრელო-ზემო სვანეთში, სასკოლო სპორტული ოლიმპიადის რეგიონული თამაშები მიმდინარეობს.
ტურნირს, მაგიდის ჩოგბურთში, აბაშის მუნიციპალიტეტმა უმასპინძლა.
სპორტულ შეჯიბრებაში აბაშის, სენაკის, ზუგდიდის, წალენჯიხის, ხობის, ჩხოროწყუს, მარტვილის, ფოთისა და მესტიის საჯარო სკოლების გუნდები მონაწილეობდნენ.
გოგონათა შორის მეორე ადგილი საჯიჯაოს N1 საჯარო სკოლის გუნდმა დაიკავა. საჯიჯაოელ მოსწავლეებს მედლები, სიგელები და თასები გადაეცათ.
სასკოლო სპორტული ოლიმპიადა, საქართველოს ყველა რეგიონის ყველა მუნიციპალიტეტს მოიცავს. მისი მიზანია, ჯანსაღი ცხოვრების წესის პოპულარიზაცია და მოზარდების ჩართვა სპორტულ ცხოვრებაში.